جے رام رمیش نے سوشل میڈیا پلیٹ فارم ’ایکس‘ پر اپنی پوسٹ میں کہا کہ متعدد عالمی میڈیا اداروں کی رپورٹس میں پاکستان کا نام ان ممالک میں لیا جا رہا ہے جو ایک طرف امریکہ اور اسرائیل اور دوسری طرف ایران کے درمیان بات چیت میں کردار ادا کر رہے ہیں۔ انہوں نے کہا کہ ایسی صورتحال ہندوستان کی خارجہ پالیسی پر سنجیدہ سوالات کھڑے کرتی ہے۔

انہوں نے دعویٰ کیا کہ گزشتہ ایک سال کے دوران، خاص طور پر ’آپریشن سندور‘ کے بعد، اگرچہ ہندوستان کو فوجی سطح پر کامیابیاں حاصل ہوئیں، لیکن سفارتی میدان میں پاکستان زیادہ فعال اور مؤثر نظر آیا۔ ان کے مطابق پاکستان، جو کچھ عرصہ قبل تک سیاسی، سماجی اور اقتصادی سطح پر کمزور سمجھا جا رہا تھا، اب دوبارہ عالمی توجہ حاصل کرنے میں کامیاب ہو گیا ہے۔