مسقط اور جنیوا مذاکرات میں کوئی نمایاں پیش رفت نہیں ہوسکی جس کے بعد ایران پر ممکنہ امریکی فوجی کارروائی کے خدشات میں اضافہ ہوا ہے ۔میڈیا رپورٹس میں یہ دعویٰ کیا جارہا ہے کہ امریکہ جلد ہی ایران کے خلاف فوجی کارروائی کرسکتا ہے۔ تاہم اس حوالے سے حتمی فیصلہ نہیں کیاگیا ہے۔ایکسیوس کے مطابق، بدھ کے روز اس تعلق سے امریکی صدر ٹرمپ نے میٹنگ کی۔اس اجلاس میں ایران کے ساتھ ہوئے جوہری مذاکرات کے حوالے سے ڈونلڈ ٹرمپ کو جانکاری دی گئی اور آئندہ کے اقدامات پر بات چیت ہوئی۔ وائٹ ہاؤس میں اس معاملے پر مشاورت جاری ہے۔ فوجی کارروای سے منسلک خطرات، ردعمل اور حملے کے سیاسی و عسکری نتائج پر غور کیا جا رہا ہے۔